Янв 4 2017
Чаным чалбыран хыс кӧрзем — (М.Баинов — Сибдей Том)
Сӧстерi М.Баиновти, Кӧӧ Сибдей Томни.
Чаным чалбыран хыс кӧрзем,
Чайаан салған тыӌеңмiн.
Чаным сарынын чаап салзам,
Час палығ халчаң чанымда.
Кӧксiмнi ӧртен хыс кӧрзем,
Худай салғаны тiӌең мин .
Кӧксiм сарынын кӧӧм салзам,
Ханнығ ic халчаң истiмде.
Чабыра пасхан одыңны
Чарчых таа салзаң тамылбас.
Частығып парган часкаңны
Чапсыр таа чӧрзең чапсынмас.
Ӱзӱрiп салган одыңны
Ӱбӱр тее чатсаң чир койбес.
Ӱзiлiп парган хонығың
Уластарзың даа пiрiкпес
Адам чулазы — ах ызых,
Арғамӌы кӧрбин ойлазын.
Аарлазын ӧскен ас чоным
Арда хызылбин чуртазын.
Ӏӌем чулазы — кӧк ызых
Кӧлігні кӧрбин ойлазын.
Кӧӧленген минің ас чоным
Кӧрерге сіліг чуртазын.
Янв 29 2017
Тун Пайрам (В.Данилюк — М. Баинов — Г.Танбаев)
Сӧстерi В.Данилюкти, тілбестеен Моисей Баинов, кӧӧ Г.Танбаевти)
Кӱӱлек таңның чариинда,
Кизек азых хыраңда
Кирі-чииттер чыылысча,
Хоос кӧглер салча.
Сарна, чатхан, хоолада,
Тасхылларны соолада!
Айран азын амзаңар,
Тун пайрамға сығыңар.
Ыр хозымы:
Тун пайрам! Тун пайрам!
Киліп одыр піссер ам!
Тайғаларны тобыра,
Тасхылларны азыра.
Кӱстіг ооллар чыылысча,
Кӱрес марии пастапча
Иң кӱстіглер, сыырахтар
Сыйых аларлар.
Кӱн не чахайаа чіли,
Алҷасча хыстар сілии,
Кӧгліг кӧстер сағылча,
Кӧоленіс, кӧг чайылча.
By sarynzhy • Баинов М., Данилюк В., Сарыннар сӧстерi, Танбаев Г. •