Янв 6 2017
Ағын хустар (А.Бурнакова — Г.Кичеев)
Ыр хозымы:
Ағын хустар, ағын хустар пазох учухчалар.
Мӧңiс табыстарын артызып.
Кӧглiг арығлар тымылчалар,
Чӱрек пӱрлернi чирге тооладып.
Чирнi хуҷахтапча алтын кӱскӱ,
Сiлiг хоос ӧңнерiнең сулғапча.
Сӧрӧннең тартынча чирнiң ӱстӱ,
Тасхар кӱскӱ чиллер ылғапча.
Ыр хозымы:
Хайда хустар, хайда хустар ағыны кӱскӱде ?
Мӧңiс табыстар артысчалар.
Сiрернi кӧрiп, чир-суғҷыларым,
Сарнасыннар чирде хаҷан даа.
Чахсы хаҷан аллығ кӧңнiм
Чобағ чох хус чiли кӧглезе.
Ханат сабынған кӧг сӧзiм
Сiрерге кӧмес тее полысса.
Ыр хозымы:
Ағын хустар, ағын хустар пазох учухчалар.
Мӧңiс табыстарын артызып.
Янв 6 2017
Читi Хыс (А. Бурнакова — В.Кученов)
Сӧстерi В.Кученовти, кӧӧ А.Бурнаковани,
1
«Изен-миндi ползын!» — тидiрзiң,
Синзер читкенде, Читi Хыс.
Минде, тiзең, кӧнi кӧргейзiң,
Кӧстерiмзер Читi Хыс.
Ыр хозымы:
Ӧңненчеткей минiң тирiгiм,
Хайаларыңнаң сыбыхтас турғай.
Ырлап кӧглеен сiлiг сарыным,
Ағастарыңнаң чоохтас турғай.
2
Алтон сӱрмес ӱрiп турчазың
Асхыс суғ хазында, Читi Хыс.
Читон сӱрмес ӱрiп чатчазың
Чiттiг чонның чирiн кӧре.
Ыр хозымы:
Ӧңненчеткей минiң тирiгiм,
Хайаларыңнаң сыбыхтас турғай.
Ырлап кӧглеен сiлiг сарыным,
Ағастарыңнаң чоохтас турғай.
By sarynzhy • Бурнакова А., Кученов В., Сарыннар сӧстерi •