Янв 28 2017
Сӧстерi З. Султрековани, кӧӧ Г. Челбораковти
Кӧк чазызар мин пастыр килзем,
Кӧк оттар пазы чайхалыс тур.
Кӧӧленгенімні сағын килзем,
Кӧксімде чӱреем хайыл тур.
Айас тигірзер мин кӧр турзам,
Ах пулуттар сыххлап тур.
Аарлииҷаамны мин сағын турзам,
Арығ чӱрееҷеем пулғал тур.
Тоғыр тағларзар мин сых парзам,
Торғайах табызы чайыл тур,
Торғы пладымны тартын салзам,
Танысхан оолғым сағыста тур.
By sarynzhy • Сарыннар сӧстерi, Султрекова З., Челбораков Г. •
Янв 28 2017
Сӧстері В. Шулбаевани , кӧӧ Г. Челбораковти
Минің хузыӌаам,
Учух син ырах,
Чир-чайаан — чалбах.
Чолыӌааң — узах.
Минің хузыӌаам,
Тудығ чох учух —
Тиңістер кизіре,
Тилекей ибіре.
Минің порчоӌаам,
Ӧс син салымнығ,
Кӱнге салыхпин,
Салғахха саптырбин.
Минің кӱніӌеем,
Чалахай син сал,
Чирің ӧңнензін,
Чоның ӧрінзін.
By sarynzhy • Сарыннар сӧстерi, Челбораков Г., Шулбаева В. •
Янв 16 2017
Сӧстерi Е Тыгдымаевани, кӧӧ Г.Челбораковти
Арғама артылған алтон сӱрмезім
Азыр тулуңа тартылбин халзын.
Ада чир-суубыс ӱчӱн айланмаан арғызым
Аллығ минің паарымда арыбин чӧрзін.
Иңніме чайылған иліг сӱрмезім
Ікi тулуңа ӱрілбин халзын.
Ирт парған ханнығ чаадаң кил полбаан арғызым
Илбек минің чӱреемде чиидінең чӧрзін.
Порчолығ турчатхан чалбах чазылар
Пора палғасха пастырбин турзын.
Прай даа чир ӱстӱмдегі арығ сағыстығлар
Пазох хара пулутха сығарға пирбезін.
By sarynzhy • Сарыннар сӧстерi, Тыгдымаева Е., Челбораков Г. •
Янв 16 2017
Сӧстерi Е.Тыдымаевани, кӧӧ Н.Катаевани
Тӧреен чирім Хакасиям
Тӱн тайғазының хойнында.
Тооза ибіре кӧр турзам,
Тоозылбас ис-пай холыңда.
Ыр хозымы:
Атығып аххан суғларың
Алтын ораағлығ, Хакасиям.
Аң-хус арыбас тайғаларың
Алтыннаң аарлығ, піл турзам.
Часхы айланза чиріме,
Чайылча аймах хус ӱні.
Чазыңа сығып, Хакасиям,
Чииттер таптапча ӱлӱсті.
Ыр хозымы.
Кӱннер иртіп, кӱскӱзі читсе,
Кӱмӱс азың сурланып ахча.
Кӱс хозып Чир-суума, Хакасиям
Алнынзар апарча.
Ыр хозымы.
By sarynzhy • Катаева Н.В., Сарыннар сӧстерi, Тыгдымаева Е. •
Янв 16 2017
Сӧстері М. Коковти, кӧӧ чонни
Хакас чирі, пайзың малға,
Халын ағас, аң, хусха.
Хара чирдең хасчаң паза
Кӱмӱс, алтын, тимірге.
Чазы, тайға, тағ олиинаң
Чалтырама ас алылча.
Солбырап аххан суғларыңҷа
Саллар инче пӱдіге.
Кӧксің синің чазапчадыр
Колхоз, совхоз, рудникке.
Кӧк тасхылың усхунчадыр
Кӱстіг мотор, гудокка.
Ӧӧс, ӧс кӱннең кӱнге тыырға,
Ӧлер ӧлім пілбеске.
Ӧс, ӧс коммунизм чиңізіне
Ӧӧн чидігліг килерге.
Хакасия, паза сині
Хан ӱлгӱзі пазынмас.
Хаӌан даа син, СССР оолғы,
Харчых кӧрбес поларзың.
By sarynzhy • Коков М., Сарыннар сӧстерi, Чонни •
Янв 15 2017
Сӧстерi В.Торосовти, кӧӧ Г.Танбаевти, тiлбестееннер — В.Г. Шулбаева, Г.Г. Казачинова
Хакасия! Сибирь кiнi чирi,
Сойан тағлары, Ким суғ ағыны.
Чайаан таңназы, тилекей сiлии!
Ööркiлер салған чоннар чырғалы.
Хакасия! Сағаа хайхапчам,
Köpiп тайға-тағлар, чазыларың
Чир-суум тынызына кööрепче чÿреем
Кÿс мағаа кирче тöреен чирiм.
Саарлар, тулғорлар син пÿдiрчезiң.
Ас таарыпчазың, аттарға пайзың,
Анып чир пайын, чоллар салчазың,
Алып оолларның маха кÿзiнең.
Хакасия! Сағаа хайхапчам,
Köpiп тайға-тағлар, чазыларың
Чир-суум тынызына кööрепче чÿреем
Кÿс мағаа кирче тöреен чирiм.
Илбек хазнабыс поғдархапча синнең,
Ада чиpiбic — чоннар cöбipезi!
Ызых Чирi-суум, чазанып, öңнен,
Россия öмезi — Хакасия!
Орыстап:
Хакасия! Сағаа хайхапчам,
Köpiп тайға-тағлар, чазыларың
Чир-суум тынызына кööрепче чÿреем
Кÿс мағаа кирче тöреен чирiм.
Хакасия, край мой, на Юге Сибири,
Там, где в Саянах шумит Енисей!
Чудо природы, ты лучшая в мире!
Создана Богом на благо людей!
Хакасия! Тобой восхищаюсь,
Глядя на горы, тайгу и поля.
Воздухом Родины я наслаждаюсь,
Силы дает мне родная земля!
Ты строишь заводы, плотины возводишь,
Сеешь хлеба и разводишь коней,
Недра вскрываешь, дороги проводишь
Руками чудесных своих сыновей!
Гордится Держава тобою кипучей,
Хакасия — дружных народов семья!
Мужай и цвети, край мой могучий!
Частица России, Отчизна моя!
Хакасия! Тобой восхищаюсь,
Глядя на горы, тайгу и поля.
Воздухом Родины я наслаждаюсь,
Силы дает мне родная земля!
By sarynzhy • Сарыннар сӧстерi, Танбаев Г., Торосов В.М. •
Янв 15 2017
На сайте хакасской музыки на настоящий день выложено 75 текстов песен на хакасском языке. Они собраны с разных источников из интернета: у кого-то на паблике (в группе) «вконтакте», у кого-то из авторов есть тексты под аудиофайлами… В общем, на данный момент сейчас этот сайт является наиболее полным ресурсом, где можно увидеть тексты песен на хакасском языке. Эти песни наиболее популярны в хакасском народе. Они исполняются как дома, так и на общественных официальных мероприятиях, на народных праздниках. Все материалы взяты из общих и доступных для всех ресурсов интернета, и видеоматериалы также записаны с официальных мероприятий.
Сделаны также расшифровки текста аудио- и видео-файлов из личного архива.
By sarynzhy • Новости сайта •
Янв 15 2017
Кӧӧ паза сӧстері Олег Асочаковти
Чахайахтар аразынҷа мин чайхалып парчам,
Сағызым тискер айланып ӧрініп хомзын чӧрчем.
Омаңны мин ундутпин хада ал чӧрчем,
Чӱреем минің хазалча адыңны истіп салзам.
Ыр хозымы:
Аима, Аима, ам хайди полим?
Чӱреемде син мині кӧні кӧр салдың.
Аима, Аима, часхы тан чіли,
Чӱреемде син мині хомзын кӧр салдың.
Сарыным, Аима, мин сағаа сағынып таап пирзем,
Минің саримзар даа хайбин иртіп парчазың.
Аалымда, Аима, тураңның хыринҷа пас чӧрчем,
Сырайың синің мин сахтап ӧрініп хомзын чӧрчем.
Ыр хозымы:
By sarynzhy • Асочаков Олег, Асочаков Олег, Сарыннар сӧстерi •
Янв 15 2017
Сӧстері Антонида Томочаковани, кӧӧ Герман Танбаевти
Чиит тус ойнапча чӱреемде,
Пазымда путхалча сағыстар.
Пос чуртастың тоозылбас идеенде
Табырах ирт парарлар чыллар.
Ыр хозымы:
Чиит тузым, чылдаң чылға ӧңненіп,
Салыхпин чӱреемде чуртазын.
Иң хынығ тустарынңа ал чӧріп,
Хыйалға ла мині пирбезін.
Хайдар пазох маңзырапчам
Пӱӱнгі кӱн ирт парза айланмас.
Чиит чӱрек талбыразын тыңнапчам
Соонаң ол піди талбырабас.
Чуртас иң сіліг ӧңнерін
Чиит туста мин сизін халарбын,
Аның ундулбас хынығ кӱннерін
Сағызымда ла артызарбын.
By sarynzhy • Сарыннар сӧстерi, Танбаев Г., Томочакова Ан. •
Янв 28 2017
Чыл пазы (B. Татарова — А. Саможиков)
Cӧстерi B. Татаровани, кӧӧ А. Саможиковти
Хан тигірнің алтына,
Хызыл кӱннің суэына
Чылның пазы айлан тур,
Халых чоным ӧрін тур.
Ыр хозымы:
Узілбес тамыр ӱчӱн
Чыл пазы, чыл пазы килді!
Ӱребес чурттың ӱчӱн
Чыл пазы, чыл пазы читтi!
Отыс тістіг От ине,
Хырых тiстiг Хыс ине,
Ойна, ойна очыхта,
Хоостал, хоостал харахта.
Ыр хозымы.
Ах кӧксіліг хазыңа
Ах чалама хыс салим,
Кӧк чалама тигірге,
Хызыл чалама — от, кӱнге.
Ыр хозымы.
Чирім паары-хойнында,
Тус-чылларның хуӌаанда
Чоным чахсы сарназын,
Пос чиріне ӧрінзін.
By sarynzhy • Саможиков А., Сарыннар сӧстерi, Татарова В.К. •