Янв 29 2017
Сӧстерi В.Майнашевти, кӧӧ Г.Танбаевти.
Тыт ағастаң кӧӧгіӌек
Кемге-де чыл санапча,
Хыныс пілбеен чиит чӱрек
Пӱун пазох ардапча.
Ыр хозымы;
Чир ӱстунде чуртим нинӌе,
Кирек чох мағаа анзы,
Чоохтап пир, кӧӧгіӌек,
Хайда минің хынызым?
Саарсых азах чолға сығып,
Арығ істінзер парчам,
Ухаанӌы хусты кӧріп,
Пiр ле нимені сурчам.
Ыр хозымы:
Чоохтап пир, кӧӧгіҷек,
Хайда минің хынызым?
Хыныс пілбеен чиит чӱрек
Хыныс одынаң тамылзын.
By sarynzhy • Майнашев В.Г., Сарыннар сӧстерi, Танбаев Г. •
Янв 29 2017
Сӧстерi А.Халларовти, кӧӧ Герман Танбаевти.
Сыңылос ӱнніг чатханда
Чоным ӱнін мин исчем.
Харчанып одырған апсахта
Чоным кӧңнін мин пілчем.
Соолазын сірернің ӱніңер,
Тайға кӱзінең nip халбин,
Ағбан салғаанаң хыр ӧңін
Аймахха читірзін майыхпин.
Читіргле, апсах-чатханым,
Чирімнің кӧгліг суулаэын.
Махтаңар, ӱнге ачынмин,
Кӱстіг чуртастың кӱӱлезін.
Ас-тамахтың тоғын талғанны
Чазым чонға ӧскірче тіп,
Сухсунның артығы айранны
Саны чох мал пирче тіп.
Сын нимес пе, чатханым,
Пістің хыстар кӱн не осхас?
Кем саба тир, чатханым,
Ирлер пістің алып осхас?
Сӧле-чоохта, апсах-чатхан,
Кӱнніг Хакасия мини тiп,
Ырла-сарна, аарлығ нанӌым,
Чиит-хыр Хакасия минмiн тiп!
By sarynzhy • Сарыннар сӧстерi, Танбаев Г., Халларов А. •
Янв 29 2017
Сӧстерi В.Данилюкти, тілбестеен Моисей Баинов, кӧӧ Г.Танбаевти)
Кӱӱлек таңның чариинда,
Кизек азых хыраңда
Кирі-чииттер чыылысча,
Хоос кӧглер салча.
Сарна, чатхан, хоолада,
Тасхылларны соолада!
Айран азын амзаңар,
Тун пайрамға сығыңар.
Ыр хозымы:
Тун пайрам! Тун пайрам!
Киліп одыр піссер ам!
Тайғаларны тобыра,
Тасхылларны азыра.
Кӱстіг ооллар чыылысча,
Кӱрес марии пастапча
Иң кӱстіглер, сыырахтар
Сыйых аларлар.
Кӱн не чахайаа чіли,
Алҷасча хыстар сілии,
Кӧгліг кӧстер сағылча,
Кӧоленіс, кӧг чайылча.
By sarynzhy • Баинов М., Данилюк В., Сарыннар сӧстерi, Танбаев Г. •
Янв 29 2017
Сӧстерi В.Майнашевти, кӧӧ О.Токояковти
Пазох суулапча арығлар,
Хар-порааннар на хайнасча.
Хостаан ах пора аттығлар
Харлығ аалӌылар ойлатча.
Ыр хозымы:
Кӱмӱс тӱстер, кӱмӱс тӱстер
Пӱӱн мағаа тӱзелче,
Ах кибістер, ах кибістер
Минің алныма тӧзелче.
Истілче кӱмӱс сыңырас,
Ыраххы тустаң ол килче.
Чуртас саңайға ундулча,
Амғы тус нандыра инче.
Ах пора хостаан аттар,
Турыбызыңар алнымда
Олған тустағы нымахсар
Апарыңар мині хада …
By sarynzhy • Майнашев В.Г., Сарыннар сӧстерi, Токояков О.А. •
Янв 29 2017
Сӧстерi паза кӧӧ чонни.
Хызым, хызым, хыс кiзi,
Хызыма килер чӱс кізі.
Чӱс кiзiнiң аразында
Пір ле кізее пирербін.
Чӱс кіэінің аразында
Пір дее кiзее парбинча.
Аның аллығ чӱрегіне
Пірдеезі кірбинче.
Сурынчалар, чоохтасчалар,
Худалазып пазырынчапар,
Хызым, хызым, хыс кізі,
Хатхырып ала пас чӧрче.
Хызым, хызым, хыс кіэее
Хайдағ ниме пол парған?
Хыс кізінің чӱрегіне
Пір оолағас кір парған.
Хынған оолғын сағыпча,
Армиядаң айланар.
Андада хызым, хыс кізі,
Аннаң хости пас чӧрер.
By sarynzhy • Сарыннар сӧстерi, Чонни •
Янв 29 2017
Кӧӧ Олег Токояковти
Хайдағ кӧптір чахайахтар
Алғым чирнің арғазында.
Кӧрдек, мына ӧкеректер
Ӧсчелер чир тынызында.
Часхы танға мӧкейізіп,
Хустар чіли сарнасчалар.
Ізіг чӱреемні кӧӧредіп
Хыстар чіли ырласчалар.
Сіліглернің хайзылары
Ах чазыда ӧңненчелер,
Че иң иптіг.сіліглері
Тайға чирде икселчелер.
Аймах муңның аразында
Пір ла порчо кӧңнім тартча.
Арға чонның аразында
Пір ле хысха чӱреем чатча.
By sarynzhy • Сарыннар сӧстерi, Токояков О.А. •
Янв 29 2017
Сӧстері В. Майнашевти, кӧӧ О.Токояковти
Сарынға кірген чалғыс харағай
Хаӌан даа чалғыс ол тағдох турғай.
Минің дее чӱреем — чалғыс харағай,
Хаҷан даа чалғызан пу чирде халғай.
Ыр хозымы:
Хайда даа ползам, мин хайди полим,
Синнеңер олох хаҷан даа ырлим.
Ырағох парир хайран чиит тузым,
Пӱлес тубанда ол чарых тузым.
Иртер хысхы хар, ам килер часхы,
Кӧӧленізім хатап ам паза килбес.
Ыр хозымы.
By sarynzhy • Майнашев В.Г., Сарыннар сӧстерi, Токояков О.А. •
Янв 29 2017
Сӧстерi М.Кильчичаковти, кӧӧ Г.Челбораковти
Тайға-тағларны арали
Чарыхтаң чарых суғ ахча.
Ханат сабынған хус чіли,
Тубан ӧтіре учухча.
Кӧксiмнең сыххан чиит ӱнім
Чарызын, синнең халбазын.
Кӧӧленер кізім пар полза,
Сарыным истіп, сағынзын.
Тохтабин ах син, чарых суғ,
Айланӌых чирде тудылба.
Сині сағыпча пасха суғ,
Азырых пір дее халдырба.
By sarynzhy • Кильчичаков М., Сарыннар сӧстерi, Челбораков Г. •
Янв 29 2017
Сӧстерi М. Кильчичаковти, кӧӧ А.Кенельни
Чалбах пӱрнең чабын салған
Ах чахайах мӧңіс турча.
Хости ӧскен чиит малтырған,
Аны часхарып, толғалча.
Тағлар ас киліп, таныӌах
Ибіре ойлап ойнапча.
Чир хайбинча ах чахайах,
Хайди даа олар кӱстензе.
Сеек одырбаан абахайах
Сырайын пӱрнең чазырча.
Чазы-чалбахча мӧӧт тілеп,
Аарыӌах чапчаң учухча.
Хыныстығ порчо кӧрглеп,
Оттар арали кӧг салча.
Аны истіп, ах чахайах
Пӱрлврін чаза тастапча.
Сыйыхты алып, аарыҷах
Хайраллап чонға ап парча.
Аарны ӱдезіп, ах чахайах
Чазы-чалбахта чайхалча.
By sarynzhy • Кенель А.А., Кильчичаков М., Сарыннар сӧстерi •
Янв 29 2017
Нымырт ағазы (В.Майнашев — Г.Танбаев)
Сӧстерi Валерий Майнашевти, кӧӧ Герман Танбаевти.
Аппағас киптiг нымырт ағазы,
Пазох ирге парарға тимненче,
Тадылығ ӧзелістіг оозы
Минің чӱреемні кӧӧретче.
Чуртазымның ырах часказын,
Істім ардап, пӱӱн тӱзепчем.
Улуғ кӧӧлліг, чӱрек чох хызым
Ӧӧн позынаң пу кӧрінче.
Ыр хозымы:
Нымырт ағазы, нымырт ағазы,
Хайдадыр за минің чиит тузым?
Нымырт ағазы, нымырт ағазы,
Хайдадыр за минің хынызым?
Хайда ах найых нымырт пыдырап,
Пір дее айир ниме сағынмин,
Кӱн чахайахтарынаң аралап,
Ағаа сыйлаӌаңмын, тапсабин.
Эк, ам хайда ни ол чиит тузым?
Чуртас ортызына чит партыр.
Хаӌан-да хынған сылағай хызым
Амды чоон ипчіӌек пол партыр.
Ыр хозымы.
By sarynzhy • Майнашев В.Г., Сарыннар сӧстерi, Танбаев Г. •