Янв 6 2017
Сӧстерi О.Иптышевани, кӧӧ Г.Челбораковти.
Сӧлеп пир, хазың — часхының сілии
Чарир ба мағаа хыныстын, чарии?
Чоохтап пир, хазың, кемдір ол полӌаң,
Минің чӱреемні сыйыхха алӌаң?
Сӧлеп пир, хазың, чир дее чазырба,
Алай ырахта ол чуртапча ба?
Арса, пу чирде минінең хости
Мині кілепче, амырын тасти?
Пілбессің, хазың, че минӧк пілчем,
Арығ хынысха тыңох киртінчем.
Соохта, наңмырда, аяс тустарда
Син осхас чалғыс полбаспын арда!
Ах хазың, нота
Янв 6 2017
Сӧстерi К.Нербышевти, кӧӧ Г.Челбораковти.
Хайда халдыңар, часхы кӱннерім,
Палтырған чызы, хойығ арығлар?
Хайдадыр чобағ чухпаан кӧглерім,
Тағ яңылатчаң ніске сарыннар?
Хараамны нуғзам, пазох андабын,
Хатап ойлапчам арчылығ пӱкче.
Нууп алып, ассам, ырах чолдабын,
Ол тузым соомда айланмас чатча.
Ачырғаи кӧрчем килбес тустарзар,
Астыххан чіли, соомзар харапчам.
Че чуртас чории — поза пілбес ат,
Тохтабин, мині улам ыратча.
Чуртас чории, нота
Янв 6 2017
Сӧстерi В.Барашковти, кӧӧ Г.Челбораковти.
Тохлапча терпек, чікке урунып.
Тіріг чӱрекке ол тӧӧй нимес пе?
Табырах иртче поезд, учуғып,
Чуртас ідӧк ле парча нимес пе?
Сала пӱлеңнеп, ағастар иртче,
Сіліг порчолар чайхалыс халча.
Кізі дее ідӧк, чуртынҷа иртсе,
Кӧгліг полбаза, хомзынып алча.
Пирік тее тағлар орта пол парза,
Пиліне сыхпин, ноға тохтачаң?
Хара ла пазың хыйын парбаза,
Хайдағ хыйалға кізі хомзынҷаң.
Арығ сағыстар, нота
Янв 5 2017
Блог о хакасской музыке постепенно наполняется текстами хакасских песен на языке оригинала с аудиофайлами и доступным видео-контентом из интернета. Основная наполняемая рубрика пока «Сарыннар аттары» (Названия песен). Порядок песен даётся в алфавитном порядке по названию песен.
Вторая рубрика — «Истерге» (буквальный перевод «слушать») или аудиофайлы. Скачать их нельзя, но слушать можно. Пока выставлены некоторые популярные хакасские песни и авторские треки музыкальных альбомов.
Создана следующая рубрика — «Чатхан кӧӧ» (Мелодии чатхана). В них будет инструментальная музыка и, наверное, песни, исполняемые на чатхане. В будущем, наверное, надо будет отделить песни и инструментальные пьесы.
Далее — рубрика «Хобырах». На этом духовом музыкальном инструменте пока мало кто играет на профессиональном уровне, кроме М.Дориной. Пьес для хобыраха очень мало, но они всё же есть.
На сегодня всё. 🙂
Следите за новостями сайта!
Янв 5 2017
Сӧстерi паза кӧӧ Сибдей Томни
Тадар чоным, хайдадыр кӱлӱгің ?
Хайдадыр пурунғы тöстерің ?
Ноға ни Худайның ӱлгӱзі
Читір пирбеен мöгі ӱлӱзін ?
Ноға ни хыйғаларның миизін
Килген чонның тöлі аптаан ?
Ноға ни чазыларның киизін
Хомзыныстығ сöстер ле харбалаан:
Сала хазахтар – хара харахтар,
Тадар тілін чыплада ундутхан чон.
Хара харахтар амдыунахтар,
Тöреен тілін унди ла чітчеткен чон
Тадар чон арали мин чöрчетсем,
Тадарлар пархаларын кöр чöрчем.
Че кöгіскен чонны хайди итчең ?
Хазахтабох изеннесче миннең.
Тадар тілін пілген полза пала,
Пілчебін мин: кӱлӱк іҷе-паба !
Тадар тілін ӱгренгені – хыйға !
Миннең хада ырлазар ол ам даа:
Сала хазахтар – хара харахтар,
Тадар тілін чыплада ундутхан чон.
Хара харахтар амды унахтар,
Тöреен тілін унди ла чітчеткен чон…
Тадар чон, тілің чох син нимезің ?
Чіт парған син, арса, киндезің ?
Че минің не чӯреем чараспинча,
Че минің не тағларым хынминча.
Тыңнапчам тадар чирнің чооғын,
Талапчам тадар сöстер ооғын !
Арса, аннаңар даа мин чобалчам —
Тадарларғах хомзынып ырлапчам:
Сала хазахтар – хара харахтар,
Тадар тілін чыплада ундутхан чон.
Хара харахтар амды унахтар,
Тöреен тілін унди ла чітчеткен чон…
Янв 5 2017
Сӧстер ээзi пiлдiзi чох, кӧӧ пiлдiзi чох. Тiлбестег Сибдей Томни.
Чайааным-худайым
1.
Чуртазымны чайап пирдің,
Чанымны чабырбадың,
Чалғызымны частыхтырбин
Позыңа син тартынғазың.
(ыр хозымы)
Мӧгі чуртаста адалғаным,
Синінең чарыхха салылғаным,
Кӱнде чӧрер, хараа полар,
Чайааным, Худайым минің…
2.
Пос холыңнаң син турғызып,
Хынызыңнаң аластаазың;
Сын чолыңӌа мині ызып,
Харасхыда тастатпаазың…
(ыр хозымы)
Мӧгі чуртаста адалғаным,
Синінең чарыхха салылғаным,
Кӱнде чӧрер, хараа полар,
Чайааным, Худайым минің…
3.
Хаӌан полза тузы читсе
Чолыңӌа мин айланарбын,
Тынам полза, тыным халза,
Сағаа пазох нандырарбын…
(ыр хозымы)
Мӧгі чуртаста адалғаным,
Синінең чарыхха салылғаным,
Кӱнде чӧрер, хараа полар,
Чайааным, Худайым минің…
Янв 5 2017
Хосров мин нимеспiн, хыйға Низами,
Поэттер кӱлӱгiнең пӱӱнгi Джами.
Че пазымнығ позым сiрерге тiпчем:
Оларның чолларын ӱгренiп чӧрчем.
Низами хыйға сӧзi саңай даа утсын,
Берда, Гянджу, Рум ағаа пазырзын;
Саңай даа Хосров тiлi мининең пай,
Индустан чирiн ол посха чаалап алғай;
Саңай даа Иранға Джами ырлазын,
Аравийде тӱӱрелер Джамигек сапсын,
Че тӱрiктер родын хайдағ даа чирде,
Прай тӱрiктер изiн тутчам мин холда!..
Янв 5 2017
Сӧстерi Г.Тукайни, кӧӧ Сибдей Томни. Тiлбестеен Сибдей Том
Тӧреен тiлiм, хынған тiлiм, пабамның-iҷемнiң тiлi!
Чир ӱстӱндегi кӧп нименi тӧреен тiлiмнең пiлдiм!
Иң пастап тӧреен тiлнең iҷем пизiкте ырлаҷаң,
Анаң соонаң хараа тооза ууҷам нымахтар салҷаң.
Тӧреен тiлiм! Хайдағ даа туста полысчым пол турҷаңзың син,
Кiчiгдеңӧк хада ӧскенiм, ӧрiнiс-хомзынызым.
Хынған тiлiм! Синде тӧреен иң ызых сӧстерiмнiң iзии:
Худайым полып ал халдах минi, iҷем-пабамның хылиин!
Янв 6 2017
Хонгорой (Айго, ӧме) — Группа Айго.
Чон ыры.
Алтон чiткен чылғымның
Алызы хайда, Ал-Хоорай.
Алты хозан чонымның
Аалы хайда, Хонгорой?
Читон чiткен чылғымның
Чилезi хайда, Хонгорой?
Читi хозан чонымның
Чирi хайда, Хонгорой?
"Хонгорой"
By sarynzhy • "Айго" ӧме, Кӧглес ӧмелерi, Сарыннар сӧстерi, Тахпах •