Янв 10 2017
Сӧстері Елена Тагирани, кӧӧ Сергей Толмашовти
Тигірдегі ағын хустар ах пулуттар,
Ыраххыда чағынна чирзер сірер парчазар.
Парбах ханатарыңны час салғазар
Хырии чох чазыңа учух парчазар.
Ыр хозымы:
Хада мині апарыңар, мин сурынчам.
Ханаттығ хусха айланып мин учухчам, мин учухчам.
Тигіредгі ағын хустар ах пулуттар
Тоозылбас кӧк чазыӌа чирзер сірер парчазар.
Парбах ханатгарыңны час салғазар
Хырии чох кӧк тигірӌе учух парчазар.
By sarynzhy • Елена Тагира, Сарыннар сӧстерi, Толмашов С., Толмашов Сергей. •
Янв 10 2017
Кӧӧ паза сӧстері Александр Саможиковти
Ала тағларым, пӧзік тасхылларым
Сіліг чорған осхас чазы мондылып чатчадыр.
Соян тағларым, халын тайғаларым,
Алып чонымның аттары чазыда чӧрчелер.
Ыр хозымы:
Алтын кӧллерім, тозылбас суғларым,
Арғал чонымның чирі кӧлбейіп турчадыр.
Сойан тағларым, халын тайғаларым,
Алып чонымның тағлары ағарып турчадыр.
Ирбенніг чазыда обаа тас турчадыр,
Обаа тастың аразында пуғдай ас ӧсчедір.
Алтын кӧллерім, тоозылбас суғларым,
Арғал чонымныңчирі кӧлбейіп турчадыр.
Ағбан саарым кӧлбейіп ӧсчедір
Сіліг чонымның саары кӧлбейіп турчадыр.
Ада чоным, кӱлӱк алып чоным,
Сойан тағлар аразында пайып чуртапчадыр.
By sarynzhy • Саможиков А., Саможиков А., Сарыннар сӧстерi •
Янв 10 2017
Сӧстері Яков Тиспирековти Кӧӧ Георгий Челбораковти
Кӧппегес отар
Арали чӧрзем,
Кӧп сағыстар
Сағын чӧрчем.
Ирбен чызына
Изір парчам.
Ңем чиріне
Іди тың хынчам.
Кӧп тее чонымның
Алнында турчам.
Хакас чирімні
Махтап ырлапчам.
By sarynzhy • Сарыннар сӧстерi, Тиспиреков Я., Челбораков Г. •
Янв 10 2017
Сӧстерi В. М. Торосовти, кӧӧ Г. Г. Танбаевти
Хакасия! Сибирь кіні чирі,
Сойан тағлары, Ким суғ ағыны.
Чайаан таңназы, тилекей сілии!
Ӧӧркілер салған чоннар чырғалы.
Ыр хозымы:
Хакасия! Сағаа хайхапчам,
Кӧріп тайға-тағлар, чазыларың.
Чир-суум тынызына кӧӧрепче чӱреем
Кӱс мағаа кирче тӧреен чирім.
Саарлар, тулғорлар син пӱдірчезің,
Ac таарыпчазың, аттарға пайзың.
Анып чир-пайын, чоллар салчазың,
Алып оолларның махха кӱзінең.
Илбек хазнабыс поғдархапча синнең,
Ада чирібіс — чоннар сӧбірезі!
Ызых Чирі-суум, чазанып, ӧңнен,
Россия ӧмезі — Хакасия!
By sarynzhy • Сарыннар сӧстерi, Танбаев Г., Торосов В.М. •
Янв 9 2017
«Кӧӧленiс кӧглерi» кинде чарыхха тимнелчеткен осхас. Анда хакас сарыннары хайди тӧреннерiнеңер чоохтапча писатель Анатолий Султреков.
By sarynzhy • Сарын тархыны •
Янв 8 2017
Вписаны ещё тексты — «Хонгорой» и «Сағай чирiм». Они примечательны тем, что тема «Хонгорой» развита и у тувинцев. Очень известную и популярную одноимённую песню хорошо знают хакасские музыканты. Группа «Айго» исполнила его в своей интерпретации на хакасском языке. Сейчас же предлагается вполне самостоятельное произведение на эту же тему от Сибдей Том, своеобразное посвящение известному хакасскому учёному-этнографу Виктору Яковлевичу Бутанаеву. На этот же текст свою мелодию написал и композитор Игорь Боргояков (исполняет Викторя Уразбаева-Димчикова).
Другая песня «Сағай чирiм» — своеобразная песня-шансон по-хакасски от Валерия Марткачакова. Песня автобиографична, как и полагается жанру.
By sarynzhy • Новости сайта •
Янв 8 2017
Сӧстерi паза кӧӧ Сибдей Томни.
Кӧрiнмес чирiм — Хонгорой,
Парбас чирiм — Хонгорой,
Хайда полдың, Хан чирi ?
Хайдар кiрдiң, Пиг чирi ?
Чӱрек кӧрген — Пурунғы чир,
Чӱрек чӧрген — Хырғыс чир,
Хайдар кiрдiң, Хонгорой?
Хайдар чiттiң, Хонгорой ?
Халбаан хынызым — Хырғызым,
Толбаан хынызым — Хырғыс хызы.
Ӱрiлбеен тулуңнар хайда ни ?
Салылбаан сарыннар халған ни ?
Чӱрек кӧрген — Хырғыс хызы,
Чӱрек пiлген — Хыныс чирi.
Хайдар кiрдiң, Хонгорой?
Хайдар чiттiң, Хонгорой ?
Чурт салынмааным — Хонгорой.
Тӧл халбааны — Хонгорой.
Чӱрек хайнааны ла — Хырғызым,
Хыныс халбааны — Хырғыс хызы…
Чӱрек толбаан — Хыныс чирi,
Чахайах-чачахтар — Хырғыс хызы,
Хайдар кiрдiң, Хонгорой?
Хайдар чiттiң, Хонгорой ?
Кӧрiнмес чирiм Хонгорой,
Парбас чирiм Хонгорой,
Хайда полдың, Хан чирi ?
Хайдар кiрдiң, Пиг чирi ?
Чӱрек кӧрген — Пурунғы чир,
Чӱрек чӧрген — Хырғыс чир,
Хайдар кiрдiң, Хонгорой?
Хайдар чiттiң, Хонгорой ?
By sarynzhy • Боргояков И., Сарыннар сӧстерi, Сибдей Том, Сибдей Том, Уразбаева-Димчикова В. •
Янв 8 2017
Сӧстерi паза кӧӧ В.Марткачаковти.
Тигiрде чылтыстар чарытчалар айас,
Пӧзiк чарытча аппағас ай.
Пасха сағыс кiрче чӱрекке айастығ —
Ӏстiм толдыр салған минiң сай.
Прай кiрче сағыстар, ирт парған чуртазым,
Аннаңар чӱрегiм ағырча.
Ханаттығ хус чуға учухча сағызым,
Сағай чирiне айланысча,
Хараам алнында чазылар чайылча,
Хара пазымны тан сыйбапча.
Аннаңар ирiк чох тоң iстiм хайылча,
Узы-пас чох тыным тарланча.
Чалаазах азахтығ олғаннардаң хада
Кiчiгде мин чолҷа чӱгӱрҷем.
Аарлығ тус чуртастың минiң халған анда, —
Анда минi тӧрiткен iҷем.
By sarynzhy • Марткачаков В., Марткачаков В., Марткачаков В., Сарыннар сӧстерi •
Янв 7 2017
Сӧстерi С. Чебодаевани, кӧӧ Т.Шалгиновани.
Ибірілче одыҷах, чилнең харбазып,
Ылғаба, хызыӌах, оолнаң чарылызып.
Ніске пӱрлерні харыҷах чабар,
Хайнаан чӱрееңні ирткен тус чазар.
Одыҷах, одыҷаам, чилге пастырба!
Хыс-хызыҷаам, чобалба, ылғаба!
Сарғалған одыҷах часхыда ӧңненер…
Пістің не чуртыбыс алнынзар ла ойлир.
Ылғаба, хызыҷах, оолнаң чарылып,
Чобалба, хызыҷах, часхы килер ле…
By sarynzhy • Давлетова Т., Сарыннар сӧстерi, Чебодаева Св., Шалгинова Т. •
Янв 10 2017
Кӱскӱ (Г. Кичеев — А. Токмашов)
Сӧстері Геннадий Кичеевти, кӧӧ Анатолий Токмашовти
Пулуттығ соох кӱнде
Соох наңмыр урылча.
Ізік хығырада
Тарынып чил тартхлапча.
Ағынға тимненіп
Хустар ӧӧрге чыылысча.
Ағастар сарғалып
Кирі кізее тӧӧй полча.
By sarynzhy • Кичеев Г., Сарыннар сӧстерi, Токмашов А. •