Сӧс ээзi

Янв 11 2017

Олаңай сағыстар (Ф.Тохтобин — О.Токояков)

Сӧстері Федор Тохтобинни, кӧӧ Олег Токояковти

Пазох ла наңмыр чаапча, тигірдең чирзер.
Сых тартынып тоолапча, кӱскӱде пӱрлер.
Че ниме-де пазох ла чітпинче мағаа
Тузында чир олох ла сығын тартынча.

Ыр хозымы:

Олаңай сӧстерімде олаңай сағыстар,
Олаңай чӱреегімде олаңай сабыстар.
Аннаңар мин тузымда чайғы сілиин паспаам
Аннаңар мин тузымда кӱзімні чарытпаам.

Хаӌанох чайғы тосты позының сілиин
Мині дее тастабысты, чиит тустың кӱзі.
Іди чыллар ӧтіре хаӌан да полар,
Кӧксімде ле ниме-де чітпиин не турар.
Ыр хозымы:

By • Сарыннар сӧстерi, Токояков О.А., Тохтобин Ф. •

Янв 10 2017

Ӧкерек хызыҷах (Е.Мамышев)

Кӧӧ паза сӧстері Е. Мамышевти

Мин сағаа чахайахтар хаҷан даа сыйлабаам,
Синнеңер улуғ сӧстер мин чоохтанмаам.
Сині ай чариинда мин пір дее ӱдеспеем,
Кӧзенегің алнында мин пір дее турбаам.

Ыр хозымы:

Ӧкерек хызыӌағас, миннең син чазынма.
Ӧкерек хызыҷағас, минзер чабал кӧрбе.
Абахай харахтарың миннең син чазырба,
Хойығ кірбектерің тӱзірбе.

Халғанҷы туста тӱзімде сині кӧр сыхтым,
Пазымнаң сыхпинчазың, хайди мин пол пардым.
Чітпин сыхты мағаа алтын чӱректіг хызыҷах,
Арса сағаа хыныбыстым, сизінче чӱреем.

By • Мамышев Е, Мамышев Е., Сарыннар сӧстерi •

Янв 10 2017

Наңмыр (В.Шулбаева — Г.Танбаев)

Сӧстері Валентина Шулбаевани, кӧӧ Герман Танбаевти

Наңмыр чаапча, сірлепче,
Ибіре суғлар чайылча.
Чазы-хыралар ӧңзеніс,
Мағаа тізең ӧрініс.

Ыр хозымы:

Чағзынар, наңмыр, чағзын!
Чир-Чайаан ӧңнензін!
Ундул парзыннар чобағлар,
Кӧп полар чалахайлар.

Кӧрдек наңмыр тохтаап парды,
Кӧгілбей тигір ап-апарығ.
Кӧңнім минің чайлал парды,
Чуртас хайдағ чахсы.

Ыр хозымы:

By • Сарыннар сӧстерi, Танбаев Г., Шулбаева В. •

Янв 10 2017

Кӱскӱ (Г. Кичеев — А. Токмашов)

Сӧстері Геннадий Кичеевти, кӧӧ Анатолий Токмашовти

Пулуттығ соох кӱнде
Соох наңмыр урылча.
Ізік хығырада
Тарынып чил тартхлапча.

Ағынға тимненіп
Хустар ӧӧрге чыылысча.
Ағастар сарғалып
Кирі кізее тӧӧй полча.

By • Кичеев Г., Сарыннар сӧстерi, Токмашов А. •

Янв 10 2017

Ах пулуттар (Е.Тагира — С.Толмашов)

Сӧстері Елена Тагирани, кӧӧ Сергей Толмашовти

Тигірдегі ағын хустар ах пулуттар,
Ыраххыда чағынна чирзер сірер парчазар.
Парбах ханатарыңны час салғазар
Хырии чох чазыңа учух парчазар.

Ыр хозымы:

Хада мині апарыңар, мин сурынчам.
Ханаттығ хусха айланып мин учухчам, мин учухчам.

Тигіредгі ағын хустар ах пулуттар
Тоозылбас кӧк чазыӌа чирзер сірер парчазар.
Парбах ханатгарыңны час салғазар
Хырии чох кӧк тигірӌе учух парчазар.

Толдырча Сергей Толмашов паза "ХАЙҶЫ" ӧме

By • Елена Тагира, Сарыннар сӧстерi, Толмашов С., Толмашов Сергей. •

Янв 10 2017

Ала тағларым (А.Саможиков)

Кӧӧ паза сӧстері Александр Саможиковти

Ала тағларым, пӧзік тасхылларым
Сіліг чорған осхас чазы мондылып чатчадыр.
Соян тағларым, халын тайғаларым,
Алып чонымның аттары чазыда чӧрчелер.

Ыр хозымы:

Алтын кӧллерім, тозылбас суғларым,
Арғал чонымның чирі кӧлбейіп турчадыр.
Сойан тағларым, халын тайғаларым,
Алып чонымның тағлары ағарып турчадыр.

Ирбенніг чазыда обаа тас турчадыр,
Обаа тастың аразында пуғдай ас ӧсчедір.
Алтын кӧллерім, тоозылбас суғларым,
Арғал чонымныңчирі кӧлбейіп турчадыр.

Ағбан саарым кӧлбейіп ӧсчедір
Сіліг чонымның саары кӧлбейіп турчадыр.
Ада чоным, кӱлӱк алып чоным,
Сойан тағлар аразында пайып чуртапчадыр.

By • Саможиков А., Саможиков А., Сарыннар сӧстерi •

Янв 10 2017

Ӏҷем чирі (Я.Тиспиреков — Г.Челбораков)

Сӧстері Яков Тиспирековти Кӧӧ Георгий Челбораковти

Кӧппегес отар
Арали чӧрзем,
Кӧп сағыстар
Сағын чӧрчем.

Ирбен чызына
Изір парчам.
Ңем чиріне
Іди тың хынчам.

Кӧп тее чонымның
Алнында турчам.
Хакас чирімні
Махтап ырлапчам.

By • Сарыннар сӧстерi, Тиспиреков Я., Челбораков Г. •

Янв 10 2017

Хакасия гимнi — Гимн Хакасии (В.Торосов — Г.Танбаев)

Сӧстерi В. М. Торосовти, кӧӧ  Г. Г. Танбаевти

Хакасия! Сибирь кіні чирі,
Сойан тағлары, Ким суғ ағыны.
Чайаан таңназы, тилекей сілии!
Ӧӧркілер салған чоннар чырғалы.

Ыр хозымы:

Хакасия! Сағаа хайхапчам,
Кӧріп тайға-тағлар, чазыларың.
Чир-суум тынызына кӧӧрепче чӱреем
Кӱс мағаа кирче тӧреен чирім.

Саарлар, тулғорлар син пӱдірчезің,
Ac таарыпчазың, аттарға пайзың.
Анып чир-пайын, чоллар салчазың,
Алып оолларның махха кӱзінең.

Илбек хазнабыс поғдархапча синнең,
Ада чирібіс — чоннар сӧбірезі!
Ызых Чирі-суум, чазанып, ӧңнен,
Россия ӧмезі — Хакасия!

By • Сарыннар сӧстерi, Танбаев Г., Торосов В.М. •

Янв 8 2017

Сағай чирiм (В.Марткачаков)

Сӧстерi паза кӧӧ В.Марткачаковти.

Тигiрде чылтыстар чарытчалар айас,
Пӧзiк чарытча аппағас ай.
Пасха сағыс кiрче чӱрекке айастығ —
Ӏстiм толдыр салған минiң сай.

Прай кiрче сағыстар, ирт парған чуртазым,
Аннаңар чӱрегiм ағырча.
Ханаттығ хус чуға учухча сағызым,
Сағай чирiне айланысча,

Хараам алнында чазылар чайылча,
Хара пазымны тан сыйбапча.
Аннаңар ирiк чох тоң iстiм хайылча,
Узы-пас чох тыным тарланча.

Чалаазах азахтығ олғаннардаң хада
Кiчiгде мин чолҷа чӱгӱрҷем.
Аарлығ тус чуртастың минiң халған анда, —
Анда минi тӧрiткен iҷем.

Сағай чирiм

By • Марткачаков В., Марткачаков В., Марткачаков В., Сарыннар сӧстерi •

Янв 7 2017

Анистiң ыры (Св.Чебодаева — Т.Шалгинова)

Сӧстерi С. Чебодаевани, кӧӧ Т.Шалгиновани.

Ибірілче одыҷах, чилнең харбазып,
Ылғаба, хызыӌах, оолнаң чарылызып.

Ніске пӱрлерні харыҷах чабар,
Хайнаан чӱрееңні ирткен тус чазар.

Одыҷах, одыҷаам, чилге пастырба!
Хыс-хызыҷаам, чобалба, ылғаба!

Сарғалған одыҷах часхыда ӧңненер…
Пістің не чуртыбыс алнынзар ла ойлир.

Ылғаба, хызыҷах, оолнаң чарылып,
Чобалба, хызыҷах, часхы килер ле…

Анистiң ыры

By • Давлетова Т., Сарыннар сӧстерi, Чебодаева Св., Шалгинова Т. •

«< 7 8 9 10 11 >»

Сӧс ээлерi

Кӧг ээлерi

Кӧглес ӧмелерi

↑

© Хакас чонның кӧглерi 2026
Powered by WordPress • Themify WordPress Themes