Янв 12 2017
Сӧстерi паза кӧӧ Андрей Бастаевти
Табырах-табырах-табырах килзең син минзер.
Сині мин сахтап полбинчам, хаҷан тоғазарбыс.
Хайди ырахсың син, хайди полим,
Чӱреегімні апарыбыстың.
Ыр хозымы:
Учухча-учухча-учухча минің чӱреегім,
Сағынчам-сағынчам-сағынчам синнеңер мин.
Хади полим, хайдар кірим?
Хайди чӱреемні часхырим?
Чохтап пир мағаа мин сині сурынчам.
Полыс мағаа мин сині тың хынчам.
Синің омаңны мин тӱзімде кӧрчем,
Хайди полим, хайдар кірим.
Ыр хозымы:
By sarynzhy • Бастаев А., Бастаев А., Сарыннар сӧстерi •
Янв 12 2017
Сӧстері В. Шулбаевани кӧӧ Г.Танбаевти.
Пӱӱн хараа тӱс чирімде
Пора атха одырғам
Таң атары алнында
Тың ырахха парыбысхам.
Ыр хозымы:
Тохта адыҷаам, тохта.
Тимер маңзыраба.
Таң ам даа чараалах,
Сіліг кӧӧм чайаалғалах.
Пӧзік тағлар паарында,
Постарғайлар сарнасча.
Чӱреегім сиртклепче
Кӧглеп алим чирімде.
Ыр хозымы:
Тохта адыҷаам, тохта.
Тимер маңзыраба.
Таң ам даа чараалах,
Сіліг кӧӧм чайаалғалах.
By sarynzhy • Сарыннар сӧстерi, Танбаев Г., Шулбаева В. •
Янв 12 2017
Сӧстері паза кӧӧ Евгений Мамышевти
Суучах хыриинда, иирде,
Пазох мин одырчам.
Пӧзік чар ӱстӱнең
Айахтар позытчам.
Сууҷах хыриинда одырчам,
Синнеңер ле сағынчам.
Минің, алтын хызыҷаам,
Мин синзер учухчам.
Ыр хозымы:
Тарина, Тарина,
Тарина, Тарина,
Минің чӱреемде.
Тарина, Тарина,
Алтын кӱннерімде!
Тигірзер кӧргенде,
Ікі хус учухча.
Мин тізең суғ хыриинда,
Чалғыс ла одырчам.
Сууҷах хыриинда одырчам,
Синнеңер ле сағынчам.
Минің алтын хызыҷаам,
Мин синзер ле учухчам.
By sarynzhy • Мамышев Евг., Мамышев Евг., Сарыннар сӧстерi •
Янв 12 2017
Сӧстері Валерий Майнашевти, кӧӧ Герман Танбаевти
Таң алнында ӧтіклепче,
Пустар чіли пулуттар.
Кӧзенек ӧтіре кӧрче
Тураа хызыл кӧк сустар.
Ам даа уйғуң синің амыр,
Тӱстер сині абытча.
Нымзах мойныңда кӧк тамыр,
Амыр-амыр тыплапча.
Пазох ла хынған хызыӌаңны,
Тӱзіңде кӧрчезің син.
Мына пик тутча ол холыңны
Харахтар синнең албин.
By sarynzhy • Майнашев В.Г., Сарыннар сӧстерi, Танбаев Г. •
Янв 12 2017
Cӧсетрi паза кӧӧ Альфред Бурнаковти
Часхызын кізі хайди полчадыр,
Сағыстары орында чох.
Хыс чӱреегі хайнап ла сыстапча,
Оолғыңағын сахтап одырып.
Ыр хозымы:
Сіліг чахайахтар мин сыйлирбын,
Чиит чӱреегің хайылдырып.
Чоохта, чохта, мин сағаа хынчабын,
Ундутпа миннеңер хаӌан даа.
Хаңан даа мин сині удурлирбын,
Харасхы хараазы даа полза.
Мин синзер хапчығай маңзырирбын,
Чарых кӱнні сахтап полбин.
Ыр хозымы:
By sarynzhy • Бурнаков Альфред., Бурнаков Альфред., Сарыннар сӧстерi •
Янв 11 2017
Сӧстері Геннадий Кичеевти, кӧӧ Герман Танбаевти
Хустар чіли учуғыбысханнар
Тызы чох олған тус чылларым.
Хынған чирімде халғаннар,
Минің чалас азах чолларым.
Пiрее туста чылларым ӧтіре,
Кӧрчем чалаас азах тузымны,
Хойларның соонӌа майыхпин чӧре
Тағларға чайчам сарынымны.
Ыр хозымы:
Анымҷох, хынығ тус, олған тузым!
Учух ағын хустарнаң хада.
Учух олған тузым, сіліг хузым,
Айланмас чылларым ағынында.
Анаң одырып пӧзік тӧңнерде
Чирім сілиин кӧріп хайхапчам.
Ӧскен аалым саңай айаамда
Чабыс тураҷаамны харапчам.
Пілчем уғаа хынҷаңмын тағларда,
Кӧк часхы айланза чӧрерге.
Хызар парған сіліг арығларда
Арығ ырҷыларын истерге.
Ыр хозымы:
By sarynzhy • Кичеев Г., Сарыннар сӧстерi, Танбаев Г. •
Янв 11 2017
Сӧстерi паза кӧӧ Кл.Чебодаевани.
Пір ле кізі чир ӱстӱнде
Минің чӱреем тартыпча.
Аның адынаң узупчам,
Аны сағып усхунчам.
Ыр хозымы:
Мин синнең хада парам, парам.
Синнең часканы табам, табам.
Чирде тӱбінзер синнең парам, парам.
Хаҷан даа синнең полам, полам.
Чыллар иртче син чоғылзың
Хынғаным айланып кил.
Минің чуртазым хынии чох
Прай даа чуртазым сині сахтим.
Часка-ӧрініс чоғыл
Минің хынғаным, минің кӱнім.
Чуртазымда син не чариим,
Чылтыс чіли мағаа кӧй.
By sarynzhy • Сарыннар сӧстерi, Чебодаева Кл, Чебодаева Кл. •
Янв 11 2017
Сӧстерi паза кӧӧ А. Бурнаковти
Чарых, ізіг кӧй турзын,
Чонның кӧңнін кӧдірзін,
Хаҷан даа ол чылытсын,
Тадар чоным!
Харасхы хараа турза,
Пiстiң чолны кӧзiтсiн.
Тасхар соохта полза
Чӱреем хайнатсын!
Ыр хозымы:
ОТ ЫРЫ — сарназын!
ОТ ЫРЫ — ундулбазын!
ОТ ЫРЫ — чарызын!
ОТ ЫРЫ — успазын!
Хакас чирімнің сілиин
Пасха чонға таратсын.
Сіліг чарых сарыннар
Прайзы сарнаалар.
Чон чӱреенде хал турзын
Минің чарых ырларым.
Чайыл-чайыл кӧңнім, —
Хакасияда!
By sarynzhy • Бурнаков Альфред., Бурнаков Альфред., Сарыннар сӧстерi •
Янв 11 2017
Кӧӧ П. Боргояковти
Орай иирде чарымдығ ай,
Уғаа сіліг учухча.
Хайди чидим, о халағай
Хынған кізім сағыпча.
Ноға ла мин орайлаттым?
Ноға ырах мин пардым?
Пасха кізее алаахтыртып,
Чағын тыңнап одырдым.
Хынғанымзар амох чидем,
Хараа мині тут полбас.
Кӧӧленіс ӧсче чӱреемде
Паза хаҷан даа ол успас.
By sarynzhy • Боргояков П.М., Боргояков П.М., Сарыннар сӧстерi •
Янв 12 2017
Хазыңнар (Г.Кичеев — Г.Танбаев)
Сӧстері Геннадий Кичеевти, кӧӧ Герман Танбаевти
Хазыңнар, хынған ағастарым,
Нимее пазох хығырчазар?
Хазыңнар, тағларнын хыстары,
Нимеденер чоохтасчазар?
Чӱреемнің хынған ағастарым,
Ӧсчезер чарых кӱн сузында,
Тӧоеен чирім чазы-тағлары.
Сілігленчезер кӧк ӧңнінде.
Хазыңнар хынған ағастарым,
Нимее пазох хығырчазар?
Минін дее чарых сарыннарым.
Тӧрібесчіктер кӧңнімде.
By sarynzhy • Кичеев Г., Сарыннар сӧстерi, Танбаев Г. •