Фев 4 2017
Сӧстерi паза кӧӧ чонни
Сараадымның хузуриин
Сарып килдім, худағай,
Салып пирген иреедімні
Салғалдырбин ал, худағай.
(Сарыспин)
Тораадымның хузуриин
Толғап килгем, худағай,
Толдыра салған иреедімні
Тӧкпин ал пирдек, худағай.
(Тӧле албин)
By sarynzhy • Сарыннар сӧстерi, Тахпах, Чонни, Чонни •
Фев 4 2017
Сӧстерi паза кӧӧ чонни.
Арға палазын ала турып,
Алтон сӱрмезін чучапчабыс.
Ил палазын ала турып,
Иліг сӱрмезін чучапчабыс.
Ідіс-хамыс пасталғанда,
Ӏкі тулуңнаң чабынчазың.
Азых-тамах алысханда,
Азыр тулуңнаң чабынчазың.
Илбек, илбек исті мааннирға
Ирке позың ам килдің.
Ирнің чахсызына паарсирға,
Ирке пала, син килдің.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Сӧстерi паза кӧӧ чонни.
Айға хурутхан минің сигедеем
Алтын хурчағлығ тӱріл халзын.
Айға пазыртхан минің палам
Ах хыр сапханҷа чӧрчетсін.
Кӱнге хурутхан минің сигедеем
Кӱмӱс хурчағлығ тӱріл халзын.
Кӱнге пазыртхан минің палам
Кӧк хыр сапханҷа чурт салзын.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Сӧстерi паза кӧӧ чонни
Хуруғ харағай пазында
Хурым халғай, худағай.
Худалап килген хызыңны
Холыма пирдек, худағай.
Час харағай тӧзінде
Частиим халғай, худағай.
Чахсылап килген хызыңны
Чахсыдаң пирдек, худағай.
* * *
Чуға кӧзеңе кистінде
Одырчатхан хыс пала,
Пабаң пирді, хыс пала,
Парчан нимең тыхтандах.
Торғы кӧзеңе кистінде
Одырчатхан хыс пала,
Инең пирді, хыс пала,
Парчан нимең тимнедек.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Сӧстерi паза кӧӧ И.Чанковти
— Ай, пағаӌах, ой, пағаҷах,
Нога азааӌағың андағ узундыр?
— Аар тоғыста кӧп тоғынып,
Азааӌағым узун пол парған.
— Ай, пағаӌах, ой, пағаӌах,
Ноға пиліӌеең андағ пӱгірдір?
— Ізіг іпекті кӧп чӱктеніп,
Аннаң андар пӱгір пол парған.
— Ай, пағаӌах, ой, пағаҷах,
Ноға харааӌааң мындағ тошпахтыр?
— Улуғ тоғыста ай кӧп чӧргебіс,
Аннаң андар андағ пол парған.
By sarynzhy • Сарыннар сӧстерi, Чанков И., Чанков И. •
Фев 4 2017
Сӧстерi чонни, кӧӧ А.Тугаринни
Алтын чірчеліг ас туттым,
Алып тут пирӌең, туғаннар.
Кӱмӱс чірчеліг ас туттым,
Кӧместең алӌаң, туғаннар.
Алған минің иреедім
Ахсыма сыңмин полбазын,
Айытхан минің кӧглерім
Арғал чон испин халбазын.
Іскен минің иреедім
Істіме сыңмин полбазын,
Кӧксімнең сыххан ӱнімні
Кӧп чон иссін, ырладым.
By sarynzhy • Сарыннар сӧстерi, Тугарин А., Чонни •
Фев 4 2017
Сӧстерi Тамара Кобельковани, кӧӧ А.Тугаринни.
Парчатхан кӱнге кiзi тарынмаӌаң,
Ахчатхан суға кізi ачырғанмаҷаң.
Пасчатхан чирге кізі тілленмеӌең,
Айланмас тусха кізі хомзынмаӌаң.
By sarynzhy • Кобелькова Т., Сарыннар сӧстерi, Тугарин А. •
Фев 4 2017
Сӧстерi Николай Разумовти, кӧӧ Сергей Боргояковти.
Пасха чирдең хустар килді,
Сіліг кӧглері сарналча.
Часхы кӱннері чылытты,
Кӧксімде ханым хайнапча.
Ыр хозымы:
Кӧксімде сарын сарналча,
Худым хайдар-да хығырып,
Часхы кӱннері чылытты,
Кӧңнім хайдар-да кӧӧклріп.
Суғлар чолларӌа ойлапча,
Чырлап, тастарны ибіріп.
Тискертін таныңах сапты,
Кӧңнім хайдар-да кӧӧктіріп.
Чӱгурік адым ойлапча,
Істерін соонаң халғызып.
Сарнап, хамӌынаң маңзыратчам,
Худымның соонӌа ойладып.
By sarynzhy • Боргояков С., Разумов Н., Сарыннар сӧстерi •
Фев 4 2017
Сӧстерi паза кӧӧ Николай Разумовти.
Cағыстарым тут полбин халчам,
Учуғып чӧрчелер чирімӌе.
Тасхылларны ас пар килчем,
Тӧреен чирімзер пар килчем, айланчам.
Ыр хозымы:
Учухчам, учухчам,
Тасхылларны ас пар килчем.
Тӧреен чирімэер пар килчем, айланчам.
Тӧреен сағыстарым чӱгурік,
Чутурік аттарнаң чарысчам.
Хынған хызымзар пар килчем,
Аалӌы полып, одыр килчем, айланчам.
Ыр хозымы:
Учухчам, учухчам,
Хынған хызымзар пар килчем,
Аалӌы полып, одыр килчем, айланчам.
Сойан тағлар ибірiп чӧрчем,
Тайғаларым кӧрiп учухчам.
Ағын суғӌа чӱс пар килчем,
Учуххан хустаң халбинчам, учухчам.
Ыр хозымы:
Учухчам, учухчам,
Ағын суғӌа чӱс пар килчем,
Учуххан хустаң халбинчам, учухчам.
By sarynzhy • Разумов Н., Разумов Н., Сарыннар сӧстерi •
Фев 4 2017
Сӧс сӧлеенi (тахпах)
Анна Кирилловна Коковадаң пазылған, 1947 ч.
Аптын чӱгенніг ат тутсам,
Алтанарзар ба, туғаннар?
Алтон сӱрместіг хыс алзам,
Тарынарзар ба, туғаннар?
Кӱмӱс чӱгенніг ат пирзем,
Мӱнерзер бе, туғаннар?
Читон сӱрместіг хыс сурзам,
Тарынарзар ба, туғаннар?
By sarynzhy • Сарыннар сӧстерi, Тахпах, Чонни, Чонни •