Кӧг ээзi

Янв 29 2017

Алтын чӱстӱгiм (М.Кильчичаков — А.Кенель)

Сӧстерi М.Кильчичаковти, кӧӧ А.Кенельни.

Алтын чӱстӱгім, минің алғаным.
Айланып килбес, хайди пол парды?
Азыр ханаттығ хусхаӌахтарым,
Ағыл пиріңердек арғызымны!

Хызыл хыр аттығ минің хынғаным
Харчи айланмас, хайди пол парды?
Хызыл кӧгістіг хусхаҷахтарым,
Хығыр киліңердек хынғанымны!

By • Кенель А.А., Кильчичаков М., Сарыннар сӧстерi •

Янв 29 2017

Тоғазығ (А.Топанов — А.Кенель)

Сӧстерi А.Топановти, кӧӧ А.Кенельни

Хайди полып, хан чӱрееӌеем,
Хайнап уғаа кӱрсӱледің зе?
Хайди полып, пӱӱн, ӧӧреӌеем,
Хатап минзер килбедің зе?

Хынығ ӱннер чайылчадыр
Хыылах танның ойлазында,
Хынған ӧолғым тоғынчадыр
Хыра тартып тракторында.

Кӧӧленгенім айланыбызып,
Кӧрчем, холын пулғапча.
Кӧңнім ағаа тың на паарсап,
Кӧре ле чазал пастапча.

Хырых сӱрмес ӱріп алып,
Хызыл пладым мин тартынчам.
Хынғанымзар пастыр парып,
Хынығ тоғыста полысчам.

By • Кенель А.А., Сарыннар сӧстерi, Топанов А. •

Янв 29 2017

Кӱскӱ хараалар (Е. Тыгдымаева — Н.Катаева)

Сӧстері Е. Тыгдымаевани, кӧӧ Н.Катаевани

 

Чахсы, айас кӱскӱ хараалар,
Пызыңнасчатхан чылтыстар,
Тискертін сапхан таныӌах,
Чӱрекке чағын айыӌах

Ырахта суғ хорлап ахча,
Харааның амырын талап,
Хыс ӌӱрегі отнаң кӧйче,
Чалғыс часканы ла сағып.

Хайда-да гармонь ойнапча,
Чӱрвк сысталдыра тартып.
Хызыҷахтар хатхырысча,
Сох чоохтар чоохтазып.

Че пілчебін, син килбессің,
Тымых сіліг хараада
Алтын пуғдай талайынӌа
Комбайннаң устап чӧрчезің.

Чалбах чазы ортызында
Синің одың чарыпча.
Сині харап орайда,
Чалғыс чӱреем чобалча.

Ырахта суғ хорлап ахча,
Харааның амырын талап.
Хыс чӱрегі отнаң кӧйче,
Чалғыс часканы ла сағып,

By • Катаева Н.В., Сарыннар сӧстерi, Тыгдымаева Е. •

Янв 29 2017

Нымырт (И.Костяков — А. Кенель)

Сӧстері И.Костяковти, кӧӧ А. Кенельни

Кӧзенек хыринда алӌазып,
Кизек нымыртах ӧңнен тур.
Кӱннің сай иирде молӌазып,
Кӧӧленгенім сағып тур.

Хынғаным килзе, ол ағас
Хығырча мині кӱӱлеснең.
Кӧңнімні алған оолағас
Кӧйдірче чӱреем чалыннаң.

Порчозы нымырт ағастың
Парчан сулғапча чир кӧксін.
Паарсазы ынағ оол-хыстың
Палың чазапча чиит кӧңнін.

Халын ӧңненіңер, нымыртгар,
Харааңар хойығ палыңнир.
Хынызып чӧріңер ам, чииттер,
Хаӌан даа часка учурир.

By • Кенель А.А., Костяков И.М., Сарыннар сӧстерi •

Янв 28 2017

Кӧк тайғам (М.Кильчичаков — А.Кенель)

Сӧстерi М.Кильчичаковти, кӧӧ А.Кенельни

Халын тайғаӌаам, кӧк тайғам,
Хайдағ хайхастығ сілігзің!
Хараазы читсе, кӧк тайғам,
Хырых аймахти ӱннігзің.

Ыр хозымы;

Хайда даа чӧрзем, ой, кӧк тайғам, тидір,
Сині сағынчам, ой, кӧк тайғам, тидір.

Ах хар пӧріктіг тағларың
Хайди ундирбын, кӧк тайғам?
Сӱлейке осхас суғларың
Иліг азырлығ, кӧк тайғам.

Ыр хозымы.

Хуӌахтап турған тастарың
Хоных кӧдірче, кӧк  тайғам.
Чабын турған ағастарың
Талайӌа чӱсче, кӧк тайғам.

Ыр хозымы.

By • Кенель А.А., Кильчичаков М., Сарыннар сӧстерi •

Янв 28 2017

Чииттер ыры (Н.Доможаков)

Сӧотерi Н.Доможаковти, кӧӧ чонни.

Чазызар сығып, сарнасса,
Чахайах пазы чайхалғай,
Чахсы марғызып тоғынза,
Часкалығ хоных пик полғай.

Тайғазар сығып ӱн салза,
Тасхыл пастары сооласхай,
Табырах чоннаң тудынза,
Талалбас хоных тыып турғай.

Толғалып аххан Ағбан суғ
Тоғыр тағларны тобырча.
Тоғыста чапчаң чиит улус
Тооза странаға сабланча.

Игірлеп аххан Ағбан суғ
Илбек хыраны суғлапча.
Істеністе сымдах чиит улус
Истіг Москвада махтатча.

By • Доможаков Н.Г., Сарыннар сӧстерi, Чонни •

Янв 28 2017

Чыл пазы (B. Татарова — А. Саможиков)

Cӧстерi B. Татаровани, кӧӧ А. Саможиковти

Хан тигірнің алтына,
Хызыл кӱннің суэына
Чылның пазы айлан тур,
Халых чоным ӧрін тур.

Ыр хозымы:

Узілбес тамыр ӱчӱн
Чыл пазы, чыл пазы килді!
Ӱребес чурттың ӱчӱн
Чыл пазы, чыл пазы читтi!

Отыс тістіг От ине,
Хырых тiстiг Хыс ине,
Ойна, ойна очыхта,
Хоостал, хоостал харахта.

Ыр хозымы.

Ах кӧксіліг хазыңа
Ах чалама хыс салим,
Кӧк чалама тигірге,
Хызыл чалама — от, кӱнге.

Ыр хозымы.

Чирім паары-хойнында,
Тус-чылларның хуӌаанда
Чоным чахсы сарназын,
Пос чиріне ӧрінзін.

By • Саможиков А., Сарыннар сӧстерi, Татарова В.К. •

Янв 28 2017

Аарлииҷаамны сағыпчам (З.Султрекова — Г.Челбораков)

Сӧстерi З. Султрековани, кӧӧ Г. Челбораковти

Кӧк чазызар мин пастыр килзем,
Кӧк оттар пазы чайхалыс тур.
Кӧӧленгенімні сағын килзем,
Кӧксімде чӱреем хайыл тур.

Айас тигірзер мин кӧр турзам,
Ах пулуттар сыххлап тур.
Аарлииҷаамны мин сағын турзам,
Арығ чӱрееҷеем пулғал тур.

Тоғыр тағларзар мин сых парзам,
Торғайах табызы чайыл тур,
Торғы пладымны тартын салзам,
Танысхан оолғым сағыста тур.

By • Сарыннар сӧстерi, Султрекова З., Челбораков Г. •

Янв 28 2017

Ӏҷенiң ыры (В. Шулбаева — Г. Челбораков)

Сӧстері В. Шулбаевани , кӧӧ Г. Челбораковти

Минің хузыӌаам,
Учух син ырах,
Чир-чайаан — чалбах.
Чолыӌааң — узах.

Минің хузыӌаам,
Тудығ чох учух —
Тиңістер кизіре,
Тилекей ибіре.

Минің порчоӌаам,
Ӧс син салымнығ,
Кӱнге салыхпин,
Салғахха саптырбин.

Минің кӱніӌеем,
Чалахай син сал,
Чирің ӧңнензін,
Чоның ӧрінзін.

By • Сарыннар сӧстерi, Челбораков Г., Шулбаева В. •

Янв 16 2017

Сын киртiнiс (Е Тыгдымаева — Г. Челбораков)

Сӧстерi Е Тыгдымаевани, кӧӧ Г.Челбораковти

Арғама артылған алтон сӱрмезім
Азыр тулуңа тартылбин халзын.
Ада чир-суубыс ӱчӱн айланмаан арғызым
Аллығ минің паарымда арыбин чӧрзін.

Иңніме чайылған иліг сӱрмезім
Ікi тулуңа ӱрілбин халзын.
Ирт парған ханнығ чаадаң кил полбаан арғызым
Илбек минің чӱреемде чиидінең чӧрзін.

Порчолығ турчатхан чалбах чазылар
Пора палғасха пастырбин турзын.
Прай даа чир ӱстӱмдегі арығ сағыстығлар
Пазох хара пулутха сығарға пирбезін.

By • Сарыннар сӧстерi, Тыгдымаева Е., Челбораков Г. •

«< 3 4 5 6 7 >»

Сӧс ээлерi

Кӧг ээлерi

Кӧглес ӧмелерi

↑

© Хакас чонның кӧглерi 2026
Powered by WordPress • Themify WordPress Themes