Фев 4 2017
Сӧстері паза кӧӧ Николай Разумовти.
Соомда халған
Кӧйген туралар.
Ыырҷыдаң чоным
Парча тайғазар.
Ыр хозымы:
Истілче: “Табырах»,
Истілче: «Табырах, Табырах, табырах, табырах».
Хысхырыс, табыс
Хада пастырча,
Киир кізілерім
Азахтаң тӱсче.
Ыр хозымы:
Табырах, табырах, табырах,
Табырах, табырах, табырах.
Ыырҷыбыс соонда
Ісче чит парир,
Хости ылғаан
Паламны маңзыратчам;
Ыр хозымы:
Табырах, табырах, табырах,
Табырах, табырах, табырах”.
By sarynzhy • Разумов Н., Разумов Н., Сарыннар сӧстерi •
Фев 4 2017
Сӧстарі паза кӧӧ Николай Разумовти.
Торығ адымның
Ахсын ыра-чара тартхам,
Адым тут полбин,
Синзер айландыра тартхам.
Ыр хозымы:
Синзер чол тутхам, хынғаным,
Сағынып килдім, хынғаным.
Син чох пу чуртас чуртас нимес.
Айым, кӧӧленіп,
Мағаа чолларын кӧзітче.
Чылтыстар кӧрзем,
Чӱрегім сабылыбысча.
Ыр хозымы:
Ыраххы чолда
Чил сарыннары истілче,
Чилімнең сурзам,
Че чил сағаа уғаа хынча.
By sarynzhy • Разумов Н., Разумов Н., Сарыннар сӧстерi •
Фев 4 2017
Сӧстер паза кӧӧ Николай Разумовти.
Чайыл чайылған кӧглерің,
Сарна сіліг сӧстерің.
Сіліг сарыннарың чайылзын.
Ыр хозымы:
Тинна, сіліг сарыннарың
Сарна, кӧксіңнең сыхханда,
Сіліг сарыннарың чайылзын.
Поғда ӧӧркілер чайааннар
Сілиин, чир сілиин сыйлааннар,
Сарыннарың хустар сарнапча.
Ады чазыда чайхалған,
Соонда порчолар ӧс халған,
Сарыннарын соонда ис халғам.
By sarynzhy • Разумов Н., Разумов Н., Сарыннар сӧстерi •
Фев 4 2017
Сӧстерi Bалерий Майнашевти, кӧӧ Олег Токояковти.
Пезімде от ӧтіг тапсапча,
Пезімде от кӧгліг сығырча.
Минің іӌем чоохтан салча;
“Аалӌы піссер маңзырапча».
Ыр хоэымы:
Син чіӌең ниме отха таста,
Син арағаӌах таа наныбыс.
Астаң-суғдаң ыраххы чолда
Майыхпас пістің аалӌыбыс“.
Пезімзер пазох одың сухчам,
От-нанӌы, сығырыбыс, истим.
Кӱннің мин аалңы сағыпчам,
Хаӌан даа азых iзиим.
Ыр ХОЗЫМЫ.
О-нанӌы, табырах сығырдах —
Сағаа хой даа айағ чох:
Нанӌымның чолы ползын узах,
Минзер ол чідірбезін чол.
Ыр хозымы:
Мин чiҷең ниме отха тастим,
Мин арағаӌах таа наныбызим.
Астаң-суғдаң ыраххы чолда
Майыхпас пістің аалӌыбыс.
By sarynzhy • Майнашев В.Г., Сарыннар сӧстерi, Токояков О.А. •
Фев 4 2017
Сӧстерi Валерий Майнашевти, кӧӧ Герман Танбаевти
Чирім минің, чирім,
Мин синнең хада ла —
Ӧріністе, чобағда
Мин синнең хада ла.
Халын тайға-тасхылларың
Чӱреем ӧтіре парча,
Чалбах синің чазыларың
Чӱреем ӧтіре чатча,
Чирім минің, чирім!
Кӧӧленізімні—хынызымны
Мин сағаа пирчем,
Прай даа чуртазымны
Сағаа сӧлепчем…
By sarynzhy • Майнашев В.Г., Сарыннар сӧстерi, Танбаев Г. •
Фев 4 2017
Сӧстері Алексей Котожековти, кӧӧ Герман Танбаевти.
Иир тус — хусхаҷах сарнапча
Тигірдв хара чалғызан.
Пӱктерде оттар чайхалча,
Чылығ тан ағырин ойнаан.
Ыр хозымы:
Ікі чӱрек nip тиң сабылчатса,
Хости турғаны харах чазырча.
Пірсi пірсіне кӧңнін асса,
Чир ӱстӱ парчан сарнапча.
Ииргі тус. Кинетін пӱкте
Хыстың сарыны чайылча.
Кӧк чазы сым полған туста
Кӧӧленіс чӱректер усхурча.
Ыр хозымы.
Тыңнан, хусхаңах, чазынма,
Кӧгле оларға ырыңны.
Учухсын ікі чӱрек сооңнаң,
Таап алзыннар олар часканы.
Ыр хозымы.
By sarynzhy • Котожеков Алексей, Сарыннар сӧстерi, Танбаев Г. •
Фев 1 2017
Сӧстерi Валерий Майнашевти кӧӧ Герман Танбаевти.
Эй, чеек айдас хамнар
Прай ундулған аалларның!
Тубаннап сыххлаңар ӧзеннер-састардаң.
Кӧк хайазар парарбыс
Кӧрерге суубысты.
Анда кӱс сыназарбыс
Паза пӧзiк сӧзібісті.
Пілчем, сидіктер кӧп учурир,
Че хорыхпаспын, нанӌылар.
Тӱӱрім минің — ай хоғдырир,
Орбам минің чил полар.
Мин парам ыраххы талайзар,
Пӧзік тасхыллар алтап,
Илбек кӱс мағаа хозар
Хайран чирі-суум хатап.
Чох идіп саңай хыйалларны
Ағын тудыста хамнаң.
Сірерзер, чарғыӌыларзар,
Улуғ чиңіснең айланам.
Анда сірер, оорланып,
Сыбырирзар ағырин:
«Улуғ хам поларзың, оолах,
Улуғ хам поларзың син”.
By sarynzhy • Майнашев В.Г., Сарыннар сӧстерi, Танбаев Г. •
Янв 29 2017
Сӧстерi Валерий Майнашевти, кӧӧ Герман Танбаевти.
Аппағас киптiг нымырт ағазы,
Пазох ирге парарға тимненче,
Тадылығ ӧзелістіг оозы
Минің чӱреемні кӧӧретче.
Чуртазымның ырах часказын,
Істім ардап, пӱӱн тӱзепчем.
Улуғ кӧӧлліг, чӱрек чох хызым
Ӧӧн позынаң пу кӧрінче.
Ыр хозымы:
Нымырт ағазы, нымырт ағазы,
Хайдадыр за минің чиит тузым?
Нымырт ағазы, нымырт ағазы,
Хайдадыр за минің хынызым?
Хайда ах найых нымырт пыдырап,
Пір дее айир ниме сағынмин,
Кӱн чахайахтарынаң аралап,
Ағаа сыйлаӌаңмын, тапсабин.
Эк, ам хайда ни ол чиит тузым?
Чуртас ортызына чит партыр.
Хаӌан-да хынған сылағай хызым
Амды чоон ипчіӌек пол партыр.
Ыр хозымы.
By sarynzhy • Майнашев В.Г., Сарыннар сӧстерi, Танбаев Г. •
Янв 29 2017
Сӧстерi В.Майнашевти, кӧӧ Г.Танбаевти.
Тыт ағастаң кӧӧгіӌек
Кемге-де чыл санапча,
Хыныс пілбеен чиит чӱрек
Пӱун пазох ардапча.
Ыр хозымы;
Чир ӱстунде чуртим нинӌе,
Кирек чох мағаа анзы,
Чоохтап пир, кӧӧгіӌек,
Хайда минің хынызым?
Саарсых азах чолға сығып,
Арығ істінзер парчам,
Ухаанӌы хусты кӧріп,
Пiр ле нимені сурчам.
Ыр хозымы:
Чоохтап пир, кӧӧгіҷек,
Хайда минің хынызым?
Хыныс пілбеен чиит чӱрек
Хыныс одынаң тамылзын.
By sarynzhy • Майнашев В.Г., Сарыннар сӧстерi, Танбаев Г. •
Фев 4 2017
Хынған хызыма (Н.Разумов)
Сӧстерi паза кӧӧ Николай Разумовти.
Хайда даа пас чӧрчетсем,
Синi сағынчам.
Чон аразында чӧрчем,
Омаң кӧрглепчем.
Ыр хозымы:
Хынған, хынған хызыӌаам,
Сағаа сағынчам,
Хынған, хынған хызыӌаам,
Омаң кӧрглепчем.
Хынғам, хынған хызыӌаам,
Сағаа сарнапчам.
Хынғам, хынғам сарыным
Сағаа сыйлапчам.
Нымырт осхас харахтығ,
Хара сазыӌаа,
Пу чирӌе пас чӧрче ол,
Мині сизінмин.
Ыр хозымы.
Ноға пу часхызын мин
Синнең танысхам?
Тӱзімде кӧрчем сині,
Хынған хызыӌаам.
Ыр хозымы.
By sarynzhy • Разумов Н., Разумов Н., Сарыннар сӧстерi •